मुक्तिपदशक्तिवादः

श्रीः श्रीमते रामानुजाय नमः श्रीमते रम्यजामातृमुनये नमः श्रीमद्वेङ्कटलक्ष्मणार्यसंयमिने नमः श्रीमद्वेङ्कटलक्ष्मणार्यसंयमीन्द्रैः अनुगृहीतः मुक्तिपदशक्तिवादः अञ्जनघनमदभञ्जनमपि च कयाचित्सुरञ्जितं कलया। अञ्जनविधुरदृगञ्जनमञ्जनगिरिरञ्जनं भजे भावुकम्।। (1) निजगळवकुळगळन्मधुललितकलालापनिगळितश्रीशम्। करकलितबोधमुद्रं किमपि विनिद्रं समाश्रये भद्रम्।। (2) निगमयुगलसारौ श्रावितौ येन धाम्ना परमपि परतन्त्रं पात्रमेवोपकल्प्य। तदिह निखिलरक्षादीक्षितं नौमि नत्वा वरवरयतिवर्येत्यादिनामाभिलापैः।। (3) कलशजलधिकन्याकान्तवीक्षामृतौघैः अनुकलमभिषिक्तामार्यगोष्ठी विभाव्य। विपुलमिह विचारं मुक्तिशब्दस्य शक्तेः कलयति कुतुकाच्छ्रीशैलयोगीशदासः ॥ (४)       अत्र तावन्मुक्तिशब्दशक्तिः विचार्यते। […]