திருவாய்மொழி

முதல் பத்து

எட்டாம் திருவாய்மொழி

ஓடும் புள்ளேறி * சூடும் தண்துழாய் *

நீடு நின்றவை * ஆடும் அம்மானே.            1.8.1

அம்மானாய்ப் பின்னும் * எம்மாண்பும் ஆனான் *

வெம்மா வாய் கீண்ட * செம்மா கண்ணனே *                 1.8.2

கண்ணாவான் என்றும் * மண்ணோர் விண்ணோர்க்குத் *

தண்ணார் வேங்கட * விண்ணோர் வெற்பனே.           1.8.3      திருவேங்கடம் திருப்பதி

வெற்பை யொன்றெடுத்து * ஒற்கமின்றியே *

நிற்கும் அம்மான் சீர் * கற்பன் வைகலே.            1.8.4

வைகலும் வெண்ணெய் * கை கலந்து உண்டான் *

பொய் கலவாது * என் மெய் கலந்தானே.           1.8.5

கலந்து என்னாவி * நலங்கொள் நாதன் *

புலன் கொள் மாணாய் * நிலம் கொண்டானே.             1.8.6

கொண்டான், ஏழ்விடை * உண்டான் ஏழ் வையம் *

தண் தாமம் செய்து * என் எண்தான் ஆனானே.           1.8.7

ஆனான் ஆனாயன் * மீனோடு ஏனமும் *

தானானான் என்னில் * தானாய சங்கே.                1.8.8

சங்கு சக்கரம் * அங்கையில் கொண்டான் *

எங்கும் தானாய * நங்கள் நாதனே.            1.8.9

நாதன் ஞாலம் கொள் * பாதன் என்னம்மான் *

ஓதம் போல் கிளர் * வேத நீரனே.            1.8.10

நீர் புரை வண்ணன் * சீர்ச் சடகோபன் *

நேர்தலாயிரத்து * ஓர்தலிவையே.            1.8.11