गोदा चतुश्श्लोकी
१. नित्याभूषा निगमशिरसां निस्समोत्तुङ्गवार्ता
कान्तो यस्याः कचविलुलितैः कामुको माल्यरत्नैः।
सूक्त्या यस्याः श्रुतिसुभगया सुप्रभाता धरित्री
सैषा देवी सकलजननी सिञ्चतान्मामपाङ्गैः।।
२. माता चेत्तुलसी पिता यदि तव श्रीविष्णुचित्तो महा-
न्भ्राताचे द्यतिशेखरः प्रियतम श्श्रीरङ्गधामा यदि।
ज्ञातार स्तनया स्त्वदुक्ति सरसस्तन्येन संवर्धिता-
गोदादेवि कथं त्वमन्य मनिशं साधारणा श्रीरसि।।
३. कल्पादौ हरिणा स्वयं जनहितं दृष्टेन सर्वात्मनां
प्रोक्तं स्वस्य च कीर्तनं प्रपदनं स्वस्मै प्रसूनार्पणम्।
सर्वेषां प्रकटं विधातुमनिशं श्रीधन्विनव्ये पुरे
जातां वैदिक विष्णुचित्त तनयां गोदामुदारां स्तुमः।।
४. आकूतस्य परिष्क्रिया मनुपमा मासेचनं चक्षुषो-
रानन्दस्य परम्परामनुगुणा माराम शैलेशितुः।
तद्दोर्मध्य किरीटकोटि घटित स्स्वोच्छिष्ट कस्तूरिका-
माल्यामोद समेधितात्म विभवां गोदामुदारां स्तुमः।।
स्वोच्छिष्ट मालिकाबन्ध गन्ध बन्धुरजिष्णवे।
विष्णुचित्त तनूजायै गोदायै नित्यमङ्गलम्।।
मादृशाकिञ्चन त्राण बद्धकङ्कण पाणये
विष्णुचित्त तनूजायै गोदायै नित्यमङ्गलम्।।
इति श्रीगोदाचतुश्श्लोकी
