श्रीः
श्रीमते रामानुजाय नमः
श्रीसुदर्शन मङ्गलम्
ॐ॥ कोटिसूर्यप्रकाशाय कुङ्कुमाङ्कितवक्षसे ।
स्फुरद्भीति सहस्रार-सहस्राराय मङ्गलम् ।। १ ।।
जयद्रथवधोद्युक्त-स्वामिसङ्कल्परूपिणे ।
कोटिसूर्यप्रकाशाय तेजःपुञ्जाय मङ्गलम् ।। २ ।।
अम्बरीषव्रतद्रोहि-दूर्वासो गर्वनाशिने ।
स्वभक्तपरतन्त्राय ज्वालामालाय मङ्गलम् ।। ३ ।।
शम्बरासुरसाहस्र-मायासूदनकारिणे ।
बालप्रह्लादरक्षाय ज्वालामालाय मङ्गलम् ।। ४ ।। बाणबाहुस्नुहिवन+अच्छिद्रेक्ष्ण+उग्रनेमये ।
कुतोऽप्यप्रतिरुद्धाय हेतिराजाय मङ्गलम् ।। ५ ।।
उद्दिष्टसेवाविघ्नार्त-गजेन्द्रसुखहेतवे ।
विद्वत्सप्रतिबन्धाय सहस्राराय मङ्गलम् ।। ६ ।।
छेत्रे कौरवपाशानाम् विभेत्रे नरकासुरम् ।
स्वामिकैङ्कर्यधुर्याय वज्रनाभाय मङ्गलम् ।। ७ ।।
आहरन् वैदिकसुतान् तमोभूमौ स्खलद्गतेः ।
मार्गप्रदर्शिने विष्णोः भूयत्स्वक्षाय मङ्गलम् ।। ८ ।।
सृष्टिपालनसम्हार-क्रियौदार्याय शार्ङ्गिणे ।
भोगैकहेकवे भर्तुः मङ्गलम् ते सुदर्शन ।। ९ ।।
मूलप्रहरणाघात-पराङ्कुशगरुत्मता ।
अपोढस्य हरेर्युद्धे मानदायास्तु मङ्गलम् ।। १० ।।
स्वामिनिन्दासमासक्त-शिशुपालशिरश्छिदे ।
सिद्धाय स्मृतिमात्रेण मङ्गलम् क्षिप्रकारिणे ।। ११ ।।
काशीराजसमायुक्त-कृत्याविलयकारिणे ।
काशिनगरदग्रेच वैष्णवाग्राय मङ्गलम् ।। १२ ।।
सौभम् च तत्वतासाल्वम् दारुक्रकचवद्द्विधा ।
मध्ये विच्छेदयस्तस्मै मङ्गलम् दहनात्मने ।। १३ ।।
द्रोहिद्रोणि प्रार्थितेन दत्तेऽपि त्वयि शौरिणा ।
स त्वाम् नाशकत् आदातुम् परादृश्याय मङ्गलम् ।। १४ ।।
द्रौणिब्रह्मास्त्रनिर्दग्ध मृतजातोत्तरासुतम्।
योऽजीवयत्पुनस्तस्मै सर्वसत्ताय मङ्गलम् ।। १५ ।।
स्वोपासक-पराधीन-निखिलात्मक्रियाजुषे।
अतिवेलदयार्द्राय चक्रराजाय मङ्गलम् ।। १६ ।।
इति श्रीसुदर्शन मङ्गलम् सम्पूर्णम्
