श्रीघटिकाचलमाहात्म्यम्
श्रीः श्रीमते रामानुजाय नमः महर्षिवेदव्यासविरचिते ब्रह्मकैवर्त्तपुराणान्तर्गते श्रीघटिकाचलमाहात्म्यम् श्रीमदखण्डभूमण्डलमण्डनायमानचोलसिम्हपुरवरनिकटोल्लसद्घटि-काद्रौ कृतावतारस्य प्रह्लादाह्लादनैकहेतोः निजकटाक्षवीक्षणामृतलहरी-निष्यन्दपोप्लूयमान मरालायमानाञ्जनेयस्य भवगतो नृसिम्हमूर्तेः माहात्म्यप्रतिपादकः व्यासोक्तब्रह्मकैवर्त्तमहापुराणान्तर्गतद्वाविम्शति- सङ्ख्याकाध्यायसम्मितग्रन्थः । ध्यानश्लोक: श्रीवत्साञ्चितवत्समध्यविलसच्छ्रीकौस्तुभोद्यन्मणिः प्राचीनोक्तिविलासिनीप्रविलसच्छ्रीमन्तमुक्तामणिः । शश्वत्सेवकचित्तजाड्यतिमिरप्रच्छेदनद्योमणिः पायान्नो घटिकाद्रिशेखरमणिस्सङ्कल्पचिन्तामणिः ॥ प्रथमोऽध्यायः श्रीपराशरः – अथ ते प्रीतमनसस्सनकाद्यास्सुरर्षयः । ऊचुः प्राञ्जलयस्सर्वे ब्रह्माणम् ब्रह्मवादिनम् ॥ १ ॥ ऋषयः – श्रीमद्वेङ्कटशैलस्य माहात्म्यम् वदता त्वया । मध्ये किञ्चिदुपन्यस्तमिन्द्रद्युम्नस्य वैभवम् ॥ २ ॥ राज्ञस्तस्य महाबाहोः […]
