आदिपर्वम् अध्यायः 01-04

श्रीः श्रीमहाभारतम् ||१ आदिपर्वम् || 001-अध्यायः–अनुक्रमणीपर्व नारायणं नमस्कृत्य नरं चैव नरोत्तमम् | देवीं सरस्वतीं चैव ततो जयमुदीरयेत् ||०|| लोमहर्षणपुत्र उग्रश्रवाः सूतः पौराणिको नैमिषारण्ये शौनकस्य कुलपतेर्द्वादशवार्षिके सत्रे | ००१ | समासीनानभ्यगच्छद्ब्रह्मर्षीन्संशितव्रतान् | विनयावनतो भूत्वा कदाचित्सूतनन्दनः ||२|| तमाश्रममनुप्राप्तं नैमिषारण्यवासिनः | चित्राः श्रोतुं कथास्तत्र परिवव्रुस्तपस्विनः ||३|| अभिवाद्य मुनींस्तांस्तु सर्वानेव कृताञ्जलिः | अपृच्छत्स तपोवृद्धिं सद्भिश्चैवाभिनन्दितः ||४|| अथ तेषूपविष्टेषु सर्वेष्वेव […]