आश्रमवासिकपर्वम् अध्यायः 01-47

श्रीः श्रीमहाभारतम् ||१५ आश्रमवासिकपर्वम् || 001-अध्यायः धृतराष्ट्रशुश्रूषा जनमेजय उवाच|| प्राप्य राज्यं महाभागाः पाण्डवा मे पितामहाः | कथमासन्महाराजे धृतराष्ट्रे महात्मनि ||१|| स हि राजा हतामात्यो हतपुत्रो निराश्रयः | कथमासीद्धतैश्वर्यो गान्धारी च यशस्विनी ||२|| कियन्तं चैव कालं ते पितरो मम पूर्वकाः | स्थिता राज्ये महात्मानस्तन्मे व्याख्यातुमर्हसि ||३|| वैशम्पायन उवाच|| प्राप्य राज्यं महात्मानः पाण्डवा हतशत्रवः | धृतराष्ट्रं पुरस्कृत्य […]