रहस्यत्रयकारिकावली
श्री: श्रीमते रामानुजाय नमः । श्रीवादिकेसरिसुन्दरजामातृमुनिविरचिता रहस्यत्रयकारिकावली।। सुन्दरजामात्मने प्रपद्ये चरणाम्बुजम्। संसारार्णवसंमग्नजन्तुसन्तारपोतकम्।। अस्मद्गुरूंस्तदाचार्यान् परमानखिलानपि। रामानुजार्य करुणावात्सल्यवरुणालयम्।। १ ।। श्रीशांघ्रिहेमसम्मोहतृणीकृततदन्यकम्। शठकोपपदद्वन्द्वदृढविन्यस्तमानसम्।। २ ।। पूर्णयामुनरामाब्जदृङ्नाथशठवैरिणः। सतां यदप्ंघ्रियुगळं मातृतातसुताङ्गनाः।। ३ ।। सेनेशश्रीतदीशांश्च नत्वा तेषां प्रसादतः। रहस्यत्रितयार्थोऽयं चिन्त्यते दृढताप्तये।। ४ ।। रहस्यत्रितयं ज्ञेयं चेतनेन मुमुक्षुणा। ज्ञातव्यमखिलं तस्य यस्मादत्राभिधीयते।। ५ ।। रहस्यत्रितयं प्रोक्तं महानष्टाक्षरो मनुः। द्वयाभिधमन्त्ररत्नं चरमश्लोक इत्यमी।। ६ ।। तत्राद्यस्त्रिपदो […]
