శ్రీమతే రామానుజాయ నమః
పరమాచార్య శ్రీమద్యామునాచార్య సమనుగృహీతే,
సిద్ధిత్రయే ఈశ్వరసిద్ధిః
2.1 తత్ర కస్యచిదేకస్య వశే విశ్వం ప్రవర్తతే ।ఇతి సాధయితుం పూర్వం పూర్వపక్షం ప్రచక్ష్మహే ।। 1 ।।
2.2 వ్యవస్థితమితస్వార్థం న తావదిహ లౌకికమ్ ।సాధనం తేన సర్వార్థతజ్జ్ఞానాదేరసిద్ధితః ।। 2 ।।
2.3 ప్రత్యక్షత్వే తదప్యేవం విద్యమానైకగోచరమ్ ।భూతాదిగోచరం నైవ ప్రత్యక్షం ప్రతిభాదివత్ ।। 3 ।।
2.4 నన్వేకచేతనాధీనం వివాదాధ్యాసితం జగత్ ।అచేతనేనారబ్ధత్వాదరోగస్వశరీరవత్ ।। 4 ।।
2.5 తథా సర్వార్థనిర్మాణసాక్షాత్కరణకౌశలమ్ ।కార్యత్వాదేవ జగతస్తత్కర్తురనుమీయతామ్ ।। 5 ।।
2.6 కిమస్య తస్మిన్నాయత్తం కిం ను జన్మాథవా స్థితిః ।ప్రవృత్తిర్వాऽऽద్యయోస్తావత్ సాధ్యహీనం నిదర్శనమ్ ।। 6 ।।
2.7 చేతనాధీనతామాత్రసాధనే సిద్ధసాధ్యతా ।చేతనైర్భోక్తృభిర్భోగ్యః కర్మభిర్జన్యతే హి నః ।। 7 ।।
2.8 ఉపాదానం పృథివ్యాది యాగదానాది సాధనమ్ ।సాక్షాత్కర్తుం క్షమన్తే యత్సర్వ ఏవ చ చేతనాః ।। 8 ।।
2.9 కర్మణః శక్తిరూపం యదపూర్వాదిపదాస్పదమ్ ।మా భూత్ప్రత్యక్షతా తస్య శక్తిమద్ధ్యక్షగోచరః ।। 9 ।।
2.10 ఆగమాదవగమ్యన్తే విచిత్రాః కర్మశక్తయః ।తేన కర్మభిరాత్మానాః స్వం నిర్మిమతాం పృథక్ ।। 10 ।।
2.11 అపి చ-స్వార్థకారుణ్యభావేన వ్యాప్తాః ప్రేక్షావతః క్రియాః ।ఈశ్వరస్యోభయాభావాజ్జగ్సర్గో న యుజ్యతే ।। 11 ।।
2.12 సుఖైకతానం జనయేజ్జగతకరుణయా సృజన్ ।తత్కర్మానువిధాయిత్వే హీయేతాస్య స్వతన్త్రతా ।। 12 ।।
2.13 అసిద్ధత్వాద్విరుద్ధత్వాదనైకాన్త్యాచ్చ వర్ణితాత్ ।కార్యత్వహేతోర్జగతో నయథోదితకర్తృతా ।। 13 ।।
2.14 అత్ర బ్రూమో న కార్యత్వం క్షిత్యాదౌ శక్యనిహ్నవమ్ ।సభాగత్వాత్ క్రియావత్త్వాత్ మహత్త్వేనవిశేషితాత్ ।। 14 ।।
2.15 తాదృశాదేవ మూర్తత్వాద్బహ్యప్రత్యక్షతాన్వితాత్ ।సమామాన్యవశేషత్వాదిత్యాదిభ్యో ఘటాదివత్ ।। 15।।
2.16 ప్రత్యక్షం తత్ ప్రమేయత్వాత్పదార్థత్వాద్ధటాదివత్ ।ఏకేచ్ఛానువిధాయీదమచైతన్యాత్ స్వదేహవత్ ।। 16 ।।
2.17 ఏకేనాధిష్ఠితాః కార్యం-కుర్వతే స్రవచేతనాః ।దేహసమ్బన్ధసాపేక్షకార్యకృత్త్వాత్ త్వగాదివత్ ।। 17 ।।
2.18 ఏకప్రధానపురుషం వివాదాధ్యాసితం జగత్ ।చేతనాచేతనాత్మత్వాదేకరాజకదేశవత్ ।। 18 ।।
ఇతి శ్రీమద్విశిష్టాద్వైతసిద్ధాన్తప్రవర్తనధురన్ధరపరమాచార్య-శ్రీభగవద్యామునమునిసమనుగృహీతే సిద్ధిత్రయే ఈశ్వరసిద్ధిః
