śrīmatē rāmānujāya namaḥ
paramācārya śrīmadyāmunācārya samanugṛhītē,
siddhitrayē īśvarasiddhiḥ
2.1 tatra kasyacidēkasya vaśē viśvaṃ pravartatē .iti sādhayituṃ pūrvaṃ pūrvapakṣaṃ pracakṣmahē .. 1 ..
2.2 vyavasthitamitasvārthaṃ na tāvadiha laukikam .sādhanaṃ tēna sarvārthatajjñānādērasiddhitaḥ .. 2 ..
2.3 pratyakṣatvē tadapyēvaṃ vidyamānaikagōcaram .bhūtādigōcaraṃ naiva pratyakṣaṃ pratibhādivat .. 3 ..
2.4 nanvēkacētanādhīnaṃ vivādādhyāsitaṃ jagat .acētanēnārabdhatvādarōgasvaśarīravat .. 4 ..
2.5 tathā sarvārthanirmāṇasākṣātkaraṇakauśalam .kāryatvādēva jagatastatkarturanumīyatām .. 5 ..
2.6 kimasya tasminnāyattaṃ kiṃ nu janmāthavā sthitiḥ .pravṛttirvāäädyayōstāvat sādhyahīnaṃ nidarśanam .. 6 ..
2.7 cētanādhīnatāmātrasādhanē siddhasādhyatā .cētanairbhōktṛbhirbhōgyaḥ karmabhirjanyatē hi naḥ .. 7 ..
2.8 upādānaṃ pṛthivyādi yāgadānādi sādhanam .sākṣātkartuṃ kṣamantē yatsarva ēva ca cētanāḥ .. 8 ..
2.9 karmaṇaḥ śaktirūpaṃ yadapūrvādipadāspadam .mā bhūtpratyakṣatā tasya śaktimaddhyakṣagōcaraḥ .. 9 ..
2.10 āgamādavagamyantē vicitrāḥ karmaśaktayaḥ .tēna karmabhirātmānāḥ svaṃ nirmimatāṃ pṛthak .. 10 ..
2.11 api ca-svārthakāruṇyabhāvēna vyāptāḥ prēkṣāvataḥ kriyāḥ .īśvarasyōbhayābhāvājjagsargō na yujyatē .. 11 ..
2.12 sukhaikatānaṃ janayējjagatakaruṇayā sṛjan .tatkarmānuvidhāyitvē hīyētāsya svatantratā .. 12 ..
2.13 asiddhatvādviruddhatvādanaikāntyācca varṇitāt .kāryatvahētōrjagatō nayathōditakartṛtā .. 13 ..
2.14 atra brūmō na kāryatvaṃ kṣityādau śakyanihnavam .sabhāgatvāt kriyāvattvāt mahattvēnaviśēṣitāt .. 14 ..
2.15 tādṛśādēva mūrtatvādbahyapratyakṣatānvitāt .samāmānyavaśēṣatvādityādibhyō ghaṭādivat .. 15..
2.16 pratyakṣaṃ tat pramēyatvātpadārthatvāddhaṭādivat .ēkēcchānuvidhāyīdamacaitanyāt svadēhavat .. 16 ..
2.17 ēkēnādhiṣṭhitāḥ kāryaṃ-kurvatē sravacētanāḥ .dēhasambandhasāpēkṣakāryakṛttvāt tvagādivat .. 17 ..
2.18 ēkapradhānapuruṣaṃ vivādādhyāsitaṃ jagat .cētanācētanātmatvādēkarājakadēśavat .. 18 ..
iti śrīmadviśiṣṭādvaitasiddhāntapravartanadhurandharaparamācārya-śrībhagavadyāmunamunisamanugṛhītē siddhitrayē īśvarasiddhiḥ
