श्रीरामानुज–षट्–त्रिंशत्
श्रीमते रामानुजाय नमः
भजयति राजं भजयति राजं भजयति राजं भवभीरो ।।
श्रीरङ्गेश जयाश्रयकेतुः श्रितजन-संरक्षणजीवातुः ।
भवभयजलधेः एष हि हेतुः पद्मानेतुः प्रणतौ हेतुः ।। (१) भज…
आदौ जगदाधारश्शेषस्तदनुसुमित्रादनवेषः ।
तदुपरि धृतहलमुसलविशेष-स्तदनंतरमभवद्गुरुरेषः ।। (२) भज…
भुङ्क्ते वैषयि किं सुखमन्यः प्रचकास्त्येवानश्नन्नन्यः ।
इतीयस्तत्वं प्रहवदान्यस्तस्माधीकः को नु वदान्यः ।। (३) भज…
गुणगुणिनोर्भेदः किल नित्यश्पडि विद्द्वय परभेदस्सत्यः ।
तद्वयदे होहरिरिति तत्वं पश्य विशिष्टाद्वैतं तत्वम् ।। (४) भज…
नष्टे नयने कस्यालोकश्चित्तेमत्ते कस्य विवेकः ।
क्षीणे पुण्ये कस्सुरलोकः कामे धूते कस्तव शोकः ।। (५) भज…
निशि वनितासुख-निद्रालोलः प्रातः परदूषणपटुशीलः ।
अन्तर्याति निजायुः कालः किं जानाति नरः पशुशीलः ।। (६) भज…
केचिल्लीलालसगतयः केचिद्बालालालितरतयः ।
केचिड्डोलायित-हतमतयः केपि न सन्त्यर्पितयति पतयः ।। (७) भज…
यावानबलो जरया देहस्तावान् प्रबलो विषये मोहः ।
वचसि विरक्ति कथापरि वाहो मनसि हितस्त्यपरोपि विवाहः ।। (८) भज…
कलुषनिकायं ललनाकायं पश्यन् मुह्यसि सायं सायम् ।
जहि जहि हेयं तद्व्यवसायं भज निरपायं चरमोपायम् ।। (९) भज…
रात्रं दिवमपि भिक्षाचर्या कलहायै वागच्छति भार्या ।
मध्ये बान्धव सेवा कार्या कथय कदा तव देवसपर्या ।। (१० ) भज…
अन्धं नयनं भूमाशयनं मन्दं वचनं मलिनं वदनम् ।
आसिन्काले गोप्तुं सदनं वाञ्छसि दत्ततनूजानयनम् ।। (११) भज…
ताळच्छद-कृतकुब्जकुटीरः सन्ध्यायोचितकबळाहारः ।
विविधपटच्छरदारः क्रूरः सोऽपि विधातृ समाहङ्कारः (१२) भज…
उपरि महोपलवर्षासारः मार्गे कण्टक-कर्दम-पूरः।
कक्षे भारः शिरसि किशोरः सुखयति घोरः किं संसारः ।। (१३) भज…
भजसि वृथा विषयेषु दुराशां विविध-विचित्र-मनोरथ कोशाम् ।
कियदपि लभसे न हित त्रैकं किन्तु व्रजसि महान्तं शोकम् ।। (१४) भज…
कश्चन लोके करपुटपात्रः पातुं सुतमाश्रितमठसत्रः ।
तस्मिन्वृद्धे सति सकळत्रश्शपति हिरंडासुतः इति पुत्रः ।। (१५) भज…
मनुजपतिं वादिगधिपतिं वा जलजभवं वा जगदधिकं वा ।
ममताऽहङ्कृति-मलिनो लोको निन्दति निन्दति निन्दत्येव ।। (१६) भज…
चिन्तय सर्वं चिदचिद्रूपं तनुरिति तस्य हरेरनुरूपम् ।
तस्मात्कस्मिन् कलयसि कोपं पश्चात्तापं भजसि दुरापम् ।। (१७) भज…
यमकिङ्कर-करशूले लोले पतदभिमातविफाले फाले ।
दहति तनुं प्रतिकूले काले किं रमयसि तत्काले बाले ।। (१८) भज…
सुमसुकुमारं शोभितमारं रतिसुखसारं युवतिशरीरम् ।
गतजीवित-मतिघोरविकारं दृष्ट्वा गच्छसि दूरं दूरं ।। (१९) भज…
विद्यानिषण्णा वयमित्यन्ये हृद्या धनिनो वयमित्यन्ये ।
आद्यकुलीना वयमित्यन्ये तेषु कलिं परिपूर्णम्मन्ये ।। (२० ) भज…
वैष्णवकुलगुण दूषण चिन्तां मा कुरु निजकुलशीलाहनाम् ।
यतिपतिरेव हि गुरुरेतेषां इति जानीहि महत्त्वं तेषाम् ।। (२१) भज…
यश्चतुरक्षरमन्त्र-रहस्यं वेदतमेव वृणीहि सदस्यम् ।
तच्चरणद्वय-दास्यमुपास्यं तदनुपदिष्टं मतमपहास्यम् ।। (२२) भज…
यतिपति-पदजलकणिक-सेकश्चतुरक्षरपदयुग्मविवेकः ।
यस्य तु सालनगर्यवलोकस्तस्यपदेहतो यमलोकः ।। (२३) भज…
नरवाहान-गज-तुरगारूढा नारीसुतपोषणगुणगूढाः ।
नानारञ्जकविद्या प्रौढा नागरिकाः किं यतयो मूढाः ।। (२४) भज…
तस्करजारविदूषकधूर्ता मस्करमौनिदिगम्बरवृत्ताः ।
गुप्तसतीसुतधनमदमत्ता गुरवःकिंपरवञ्चकचित्ताः ।। (२५) भज…
यस्य मुखस्थायतिपतिसूक्ति स्तस्य करस्थाविलसतिमुक्तिः ।
नरके पतितं नवनवयुक्तिः न हि रक्षति सामान्यनिरुक्तिः ।। (२६) भज…
इति श्रीरामानुज–षट्–त्रिंशत्
